bye ~ Sunday 02/12/2018

12月2日早上看到 sunday 係露台, 我見佢唔郁以為瞓左覺 .......

點知數小時後經露台見佢位置完全無改動, 叫下摸下就發現身體已經彊硬 ....

好突然呀 ~!!!!

明明前一日見佢有行出廳曬太陽

只係10年時間 sunday 妹就離開了

蛋。蛋。。蛋。。。蛋。。。。

前兩日起身係露台仔見到Sunday旁邊有粒白石春, 睇真D........

應該係一隻蛋 ! ! 

養左Sunday已經6年, 而上星期開始佢經常用後腳擦條尾, 又唔肯食0野, 我仲以為佢皮膚問題, 所以仲用比佢浸鹽水浴

發現隻蛋之後, 我左諗右諗無理由有雀仔飛入屋生蛋, 最大機會係Sunday生, 因為我知烏龜係可以無交配而生蛋, 不過...........我一直以為Sunday係仔仔

而隻蛋真係好大, 又唔係圓, 而係長喎 ^0^

朋友比左資料我睇

有幾位養烏龜朋友都有咁經驗, 家中只有一隻烏龜都會生蛋, 但因蛋無受精, 只係烏龜女成長後定時排卵, 因此蛋唔可以孵出BB

當晚放工返屋企同媽媽講, 之後比隻蛋佢睇, 媽話Sunday四處行, 可能想搵自己隻蛋, 於是我就比Sunday睇下

其實隻蛋比起初見到時已經縮細左, 我諗起要生咁大隻蛋, 真係好辛苦又危險!! 

點知Sunday不停又推又想擒 .... 呀 ~! ! ! 

踩住左 => => =>

唉 ~ 雖然唔會有烏龜BB, 但都唔好咁

朋友佢地話好多會隻烏龜自己食番, 而且生開就會繼續有, 有時會幾日後再生, 或者已經其他位置生左, 叫我留意下

但周圍搵都無, 粟米龜沙一樣無

而家主要餵兩種乾糧, 希望Sunday妹以後都健康, 身體可以頂得住

My Sunday

回想當日原來已經5年前.....

今日sunday已經大隻左 ^3^

不過相比人家烏龜, sunday依然係細隻仔

上年度殼闊只有12cm

冬眠過後 => . => 

今年春天sunday胃口大開, 但佢只食乾糧, 唔食新鮮食物, 我希望佢有均衡營養, 所以有3種乾糧

呢3種糧形狀各有不同, sunday最中意黃色合最細細粒, 因為呢種糧係由買佢返屋企間店出售, 相信由bb開始食, 但佢已經大隻左, 怕佢食唔飽, 而中間大粒係美國糧朋友介紹最有營養

另外仲要係龜窩內加上粟米沙, 可以吸尿除臭

sunday每日係屋企自由行, mickey同亞金都習慣唔再理佢

我上年曾經帶sunday到樓下公園, 希望比佢伸展下, 但之後成個月無進食, 朋友話佢係嚇親, 所以今年唔會再佢落街啦~

烏龜 (轉自11/2011)

家中有兩烏龜 :
細草龜 (兩年前係金魚街買返黎, 主要係廚房有小強出沒, 但從唔敢用任何滅虫劑, 所以想以最大自然方法....養龜大法)

大珍珠龜 ( 養細龜半年後朋友所托收養, 已有6歲 ) 
 

兩年時間細龜不覺間大個仔好多, 快追上大龜

不過大龜已經上年回到舊主人懷抱LU~~