細妹係亞金女兒, 記得當年係家姐屋企出生, 波波生3隻貓B, 其中最細就係佢, 所以名為..... 細妹
細妹樣子可愛, 本想可以送朋友, 咁屋企唔會太多難照顧, 但由於性格唔好, 自小地墊門邊賴尿, 所以即使有朋友想收養, 我地都拒絕
小時常痴住媽媽波波, 波波亦全心照顧
不過性格獨特細妹漸漸同貓疏遠, 只有視我家姐最愛, 成日都要抱抱錫錫
十幾年過去, 賴尿情況不改, 更加唔喜歡屋企多人熱鬧, 經常發脾氣出爪, 不過家姐同家人都照單全收
11月中發現細妹大脾與肚皮中間有血水傷口, 但肯定唔係打交, 因為其他3貓都怕佢, 而且有圓形硬硬地, 所以立即約睇醫生, 以細妹性格打針都要入洗衣袋, 個傷口醫生只可以望下而唔可以摸, 想用手細妹已經張牙舞爪
醫生開藥洗傷口同要食抗生素, 但醫生話擔心細妹, 因為傷口近乳房, 而且佢體重又輕左好多
不過估唔到........
細妹睇完醫生後情緒好差, 返到屋企只匿埋, 唔單止唔肯食藥, 連糧都唔肯食, 家姐每日花時間照顧佢餵水
醫生話可以吊鹽水, 但家姐知道再去診所細妹會更加心情難受, 所以決定比細妹係屋企安靜度過
12月2日係細妹火化日子, 家姐第一次送別毛孩, 痛哭傷心, 出生至離開都係屋企, 完滿了一生
貓地喜歡什麼?!
鞋 ~
係亞金特別喜歡, MICKEY就無佢咁
好鬼陶醉喎 ~
有時仲會流晒口水, 好變態咁 n.n
去都家姐屋企夠阿細都會瞓我對鞋, 家姐話因為有其實貓味
咁又係呀, 因為平時唔玩鞋嘅MICKEY都會因為阿細瞓過而勁索 ......
超過十年無去過.....
家姐生日, 4人一齊去開心下~
第一時間探左佢先, 呢位老人家仲好精靈
之後跟住地圖再搵 => =>
天氣太熱動物比較靜 zzzzz
行行下見到隻鸚鵡十分乖
今年木綿花絮超級多, 係公園內滿佈飛絮, 好似落雪咁....
實在太好天氣, 熱辣辣, 都係入到冷氣地方最舒服
半透明水母真係太靘
十年幾
有館已經取消, 亦有新館增加
想睇晒就要努力, 所以玩完一日都好攰啊!!!
近期我放多時間種植方面, 所以係FB加入左D群組, 大家可以交流下....
上個月係某群組中谷友都呼籲去幫助一位伯伯, 因為佢係錦田花圃要結業遷出, 所以大平賣清貨, 希望大家幫下伯伯, 有平貨亦雙羸
當大家都不斷討論話要去買時, 有谷友圖文並荗.....
我最初都覺得人間有情
但係正式結業前2日, 竟然有谷友話見伯伯D植物買得7788, 問下伯伯幾隻唐狗點解唔見左, 佢話前1日收漁記拖走晒 ~~~~
我睇到立刻留言 ...... 點解成1個月有多, 無話有唐狗????? 只有叫人去買植物 ?????
後來大家即時議論紛紛
得知係有5隻唐狗, 繼而知道伯伯會有新地方, 雖然比現址細, 但新界地方無理由留唔到1-2隻狗 !!!
有谷友留言知道呢件事, 話義工即打去漁記HOLD狗, 漁記要伯伯同佢地聯絡至放狗, 但生命只有幾日時間
由於群組因呢件事令管理員覺得有人借谷友善心助長惡行, 更加越來越多商業行為, 因此要整頓, 所以某些谷友被封殺, 之後再無狗狗消息
我真係好痛心, 當時我係群組內問.......點解貼文谷友只叫人去買植物, 但無提到狗呢? 狗無生命嗎? 因為狗無價值?
之後有谷友話都知道呢位伯伯生意手法不太好, 不過始終各式各樣人都有, 佢又話結業, 所以無再多講, 但估唔到有人可以咁無情, 只係問多幾句, 相信都有好多愛動物人士會幫忙
已經三星期, 管理員亦另開新群組邀請我加入, 雖然舊群組仍然存在, 但同伯伯相熟谷友都已被刪除, 都唔知狗狗情況, 雖然知道機會不大, 但希望有日能見到義工話狗狗無事啦!
天氣時暖時冷又潮濕，人都會受影響到唔舒服，特別有關節痛症。。。
貓咪年紀大，醫生都會提醒為貓地保暖，亞金後腿退化更容易痛痛，昨日去針灸當醫生按到某Ｄ部位，佢即刻叫又回望醫生，醫生話今次比上個月明顯有痛喎，所以針灸都要跟天氣而增加或減少～
雖然有痛，但亞金都算合作，只係鬧下人叫幾聲
總共１０枝針都順利完成，之後係貓箱乖豬仔瞓３０分鐘
上個月針灸之前有篤手仔驗血糖合格５.１ｍｍｏｌ，所以今次只需針灸唔駛篤手仔
有人覺得亞金好受苦，早晚要打胰島素針，後腳又退化，不過我又點可以放棄咁可愛小肥金呢！？
其實係屋企佢地真係皇帝咁，雖然我唔係有錢人，但已經盡力比佢地最好，見佢地生活都好寫意咁。。。。
兩兄弟當然間中有爭吵，特別米奇霸道性格成日蝦亞金，好彩亞金又好好都會原諒佢
雖然有長期病，但眼見好多貓友經歷，我已經覺得自己完全要感恩可以順利照顧貓地，希望兩隻仔繼續咁叻豬啦～！
獨立自己生活已經5個月, 有2隻仔貓1仔女龜陪伴, 有大家姐一家照顧, 生活一切習慣中 . . . .
家中除左人貓龜外, 近日添加多左 => => =>
其實我一向都有種植物, 而家屋企包括有白金葛, 波斯蕨, 如意, 虎尾蘭...
但自從發現空氣草後覺得十分方便
只要定時灑水或浸水
仲有不同品種
但自己未係種得好, 明明以為葉變紅會開花, 但反而轉綠色無花開
不過始終太吸引, 上星期見咁靚$33 又再買
老板話種得好都係有花開, 但顏色就要到時至知喎 ! ^,^
恭喜發財 ! !
萬事勝意 ! !
新年最忙都算年初一要準備十幾人到我家打邊邊
三位家姐同佢地屋企人來到好熱鬧呢~
仲有位小朋友不停搵人玩.....古靈精怪
其實新年除左食...都係食.....
年初二去大家姐屋企食開年飯, 我負責服侍兩隻為食貓
年初三到老師家中拜年, 佢親手做上海菜十分好味
仲有...仲有....
一大班朋友團拜
朋友介紹私房菜全完係無得輸~
新一年自己要加把勁適應一切, 希望往後可以順順利利~
有家姐關心照顧, 經常同佢一家聚會, 做節另外兩位家姐會同一齊, 所以同以前分別不大 ....
快將農曆年, 昨晚食團年飯, 亦約好年初一如往年咁到我家團拜...
每年大家都會係我屋向媽媽拜年, 今年雖然少左佢, 但希望佢都感受到我地4姊妹仍然好好 ^,^
