因為住屋人數少左, 所以政府斷斷續續2年安排另一間屋, 终於上年10月尾決定接受, 因為係全新屋村, 而且距離地鐵只需行約5分鐘, 同家姐相差一個地鐵站, 亦有小巴同巴士到家姐屋企
裝修同搬屋都超煩, 再加上搬細屋更加難!!
全新興建今日四處仍然未完工
由1月8號入伙到而家眼見好多家庭仲裝修緊
附近幾幢樓仲起緊
有長時間沙塵滾滾
2021年5月27日 星期四
2021年4月26日 星期一
2021年1月25日 星期一
石生花(屁屁)
去年10月去花墟睇花買泥無意中見到佢......
覺得好可愛, 細細盆只需$20, 老闆娘話要控水, 可以一個月都唔需要比水
我心想水係生命之源, 唔比水如何生存呢?!!!
於是係盆底比水吸得好快, 隔一星期又比小小, 之後長高好多呀.....
上網搵下資料, 見到原來有多種顏色仲有花開
但再過1個月發現有幾粒唔見左, 疏落哂呀~
問網上種植群組, 佢地話係化水, 我比得多水, 叫我即刻重新種過, 起出來好似牙齒咁, 真係毛管棟, 要涼乾3日再落泥....
網友叫我唔好種得太迫, 要有空間疏氣, 所以我分左2盆仔
而家只係2-3星期噴小小水係表面, 網友話保持原本狀態已經係成功一半
見網友話花墟仲有其他色, 但因疫情怕人多, 我一直都無再去
近日應該係年花時間, 相信更加多人, 所以唯有忍到過年後再諗
2020年12月29日 星期二
不要2020期待2021
今年全球都係疫症下十分艱難
我個人係好小心抗疫, 因為家有老喵, 所以朋友唔會約, 再加上11月開始第四波疫情嚴重, 已經2個月無見家姐
聖誕節亦都一樣, 我只係基本去買人同喵糧, 日用品 ..... 一切都係屋企附近, 其餘時間都留家陪喵度過
過幾日就係2021年來臨, 相信大家希望疫苗成功, 可以快快過正常生活, 唔再擔心中招, 而家傷風感冒真係好驚
今個元旦將會好凍, 市區只有8-9度, 所以大家都要小心保暖, 以免一病又要去做檢測, 大家要健健康康迎接新一年 ~ !
2020年10月15日 星期四
多點色彩
現在每日口罩生活, 因此大家對口罩都十分有研究, 而且花款都好多......
同事們經常買來一齊試下, 因為個人面形不同, 感受同需要都不同, 合適至再夾單買, 咁其實都好好 ....
今次又買來新口罩, 老闆仲話綠色好難睇, 於是女子組特登相約一齊帶來影張相....哈哈!
見同事用顏色同花紋都好多, 但我因鼻敏感, 所以不會轉多花款, 主要防菌舒服就好, 雖然比較沉悶, 但都無法啦, 因為實在鼻敏感令我好困擾呢~
我已經有連續3個月早上空肚食粒CS4蟲草丸, 相比敏感藥覺得蟲草丸令我舒服D..
日子難捱都要過, 覺得自己而家日日有工返已經好好, 只期望冬天來臨時疫情唔好太嚴重, 疫苗快D成功生產啦!
2020年7月24日 星期五
只有更嚴重
香港 5-6月疫情已有所緩和, 大家以為可以鬆一口氣, 我公司因應歐洲客戶已回歸, 所以7月開始亦一切正常, 再無需要放無薪假, 但............
7月開始無耐疫情反彈得好嚴重, 近幾日每次衛生署記招都係壞消息, 多個群組感染, 每日超過100宗確診
我已兩星期以上無見家姐, 只係電話聯絡算啦, 真係好慘慘啊 ~!
雖然政府加左好多限制想盡快控制, 但始終都要等時間至知成效
我公司工作模式不能home office, 所以返工放工乘坐地鐵我都小心唔觸摸任何物件, 但天氣真係好熱呀!
口罩自1月尾已經未離開過我生活, 鼻敏感亦時有發作, 而家更要假期留屋企抗疫, 希望可以保護自己同時縮減活動範圍
在家抗疫當然要有仔支持下, 昨晚mickey亦合作影張相鼓勵下大家
齊心抗疫
7月開始無耐疫情反彈得好嚴重, 近幾日每次衛生署記招都係壞消息, 多個群組感染, 每日超過100宗確診
我已兩星期以上無見家姐, 只係電話聯絡算啦, 真係好慘慘啊 ~!
雖然政府加左好多限制想盡快控制, 但始終都要等時間至知成效
我公司工作模式不能home office, 所以返工放工乘坐地鐵我都小心唔觸摸任何物件, 但天氣真係好熱呀!
口罩自1月尾已經未離開過我生活, 鼻敏感亦時有發作, 而家更要假期留屋企抗疫, 希望可以保護自己同時縮減活動範圍
在家抗疫當然要有仔支持下, 昨晚mickey亦合作影張相鼓勵下大家
齊心抗疫
2020年4月2日 星期四
2020年3月18日 星期三
COVID-19
未到農曆新年已經開始口罩日子, 由武漢至全球, 新型肺炎實在比17年前沙士更為嚴重 ....
香港市面情況超級誇張, 好似未日已到咁, 搶口罩, 搶消毒用品, 搶米, 搶厠紙 .....
口罩最為短缺, 排隊幾日買口罩不足為奇, 但有錢都買唔到, 所以出現自制布口罩....
我公司做內衣褲, 雖然生產不在香港, 但有做貨辦同事好好手工, 做左個送比我 ...
自2月開始, 公司每日提供1個口罩全日都要帶住工作, 真係好辛苦, 令我鼻痕鼻塞, 估唔到我吸貓毛大, 但醫生話我因口罩鼻敏感, 好彩食1星期藥後無事.....
因為鼻敏感怕帶口罩, 病症又似感冒, 怕令人不安, 所以假期都係屋企, 就算家姐約我都唔想出外....
雖說要加強消毒, 但係屋企我唔會用太多清潔劑, 因為怕影響到米奇, 都係用我自己做環保酵素算....
2月武漢封城, 香港封關, 追蹤患者曾接觸人隔離14日, 停課, home office......
3月開始香港情況比較穩定, 我都可以出外行下街 ...
不過近日歐洲好多人確診感染, 而避疫回港人士相繼確診 ....
今日全球疫情更見嚴重, 以上圖表只係部份國家情況, 真係好擔心專家所講成真, 要維持1-2年呀!~!~!~
香港市面情況超級誇張, 好似未日已到咁, 搶口罩, 搶消毒用品, 搶米, 搶厠紙 .....
口罩最為短缺, 排隊幾日買口罩不足為奇, 但有錢都買唔到, 所以出現自制布口罩....
我公司做內衣褲, 雖然生產不在香港, 但有做貨辦同事好好手工, 做左個送比我 ...
自2月開始, 公司每日提供1個口罩全日都要帶住工作, 真係好辛苦, 令我鼻痕鼻塞, 估唔到我吸貓毛大, 但醫生話我因口罩鼻敏感, 好彩食1星期藥後無事.....
因為鼻敏感怕帶口罩, 病症又似感冒, 怕令人不安, 所以假期都係屋企, 就算家姐約我都唔想出外....
雖說要加強消毒, 但係屋企我唔會用太多清潔劑, 因為怕影響到米奇, 都係用我自己做環保酵素算....
2月武漢封城, 香港封關, 追蹤患者曾接觸人隔離14日, 停課, home office......
3月開始香港情況比較穩定, 我都可以出外行下街 ...
不過近日歐洲好多人確診感染, 而避疫回港人士相繼確診 ....
今日全球疫情更見嚴重, 以上圖表只係部份國家情況, 真係好擔心專家所講成真, 要維持1-2年呀!~!~!~
2020年1月16日 星期四
2019年11月5日 星期二
2019年9月16日 星期一
2019年9月13日 星期五
訂閱：
文章 (Atom)