不要2020期待2021

今年全球都係疫症下十分艱難

我個人係好小心抗疫, 因為家有老喵, 所以朋友唔會約, 再加上11月開始第四波疫情嚴重, 已經2個月無見家姐

聖誕節亦都一樣, 我只係基本去買人同喵糧, 日用品 ..... 一切都係屋企附近, 其餘時間都留家陪喵度過

 

 

過幾日就係2021年來臨, 相信大家希望疫苗成功, 可以快快過正常生活, 唔再擔心中招, 而家傷風感冒真係好驚

 

 

今個元旦將會好凍, 市區只有8-9度, 所以大家都要小心保暖, 以免一病又要去做檢測, 大家要健健康康迎接新一年 ~ !

 

 

Happy Birthday to MICKEY

 又要話當年 ...... 1999年11月19日

3隻剛開眼食奶b由家姐係街執返屋企

波波同亞金上年相距不足一個月飛往彩虹橋

米奇仔好努力一直留我身邊

21歲喵咪當然有老態, 但我已經好感恩問題不大

由於經常要氹食, 所以屋企多處都係開餐點

=>    =>   梳化

 

=>  =>   => 房中 room services

只要佢肯開口食, 開心食, 我都會盡力附合佢要求, 所以罐罐同小食人家話唔健康我都唔理 ~

米奇快樂就係我快樂 !

懷念的季節

秋意的10月繼而進入11月

想到離開的人及貓, 本來每年呢個時候係為佢地慶生日子, 時間又一年一年過去, 回憶是美好的

可愛小時亞金

日漸發漲亞金

乖乖針灸亞金

我愛亞金

多點色彩

 現在每日口罩生活, 因此大家對口罩都十分有研究, 而且花款都好多......

同事們經常買來一齊試下, 因為個人面形不同, 感受同需要都不同, 合適至再夾單買, 咁其實都好好 ....

今次又買來新口罩, 老闆仲話綠色好難睇, 於是女子組特登相約一齊帶來影張相....哈哈!

 

見同事用顏色同花紋都好多, 但我因鼻敏感, 所以不會轉多花款, 主要防菌舒服就好, 雖然比較沉悶, 但都無法啦, 因為實在鼻敏感令我好困擾呢~

我已經有連續3個月早上空肚食粒CS4蟲草丸, 相比敏感藥覺得蟲草丸令我舒服D..

日子難捱都要過, 覺得自己而家日日有工返已經好好, 只期望冬天來臨時疫情唔好太嚴重, 疫苗快D成功生產啦!

 

只有更嚴重

香港 5-6月疫情已有所緩和, 大家以為可以鬆一口氣, 我公司因應歐洲客戶已回歸, 所以7月開始亦一切正常, 再無需要放無薪假, 但............

7月開始無耐疫情反彈得好嚴重, 近幾日每次衛生署記招都係壞消息, 多個群組感染, 每日超過100宗確診

我已兩星期以上無見家姐, 只係電話聯絡算啦, 真係好慘慘啊 ~!

雖然政府加左好多限制想盡快控制, 但始終都要等時間至知成效

我公司工作模式不能home office, 所以返工放工乘坐地鐵我都小心唔觸摸任何物件, 但天氣真係好熱呀!

口罩自1月尾已經未離開過我生活, 鼻敏感亦時有發作, 而家更要假期留屋企抗疫, 希望可以保護自己同時縮減活動範圍

在家抗疫當然要有仔支持下, 昨晚mickey亦合作影張相鼓勵下大家

齊心抗疫

無薪假

公司3 月24日宣佈要每個星期一放無薪假, 由3 月30日開始, 全公司每週工作四天....

係呢間公司工作20多年, 從未試過客戶拖貨又唔比錢, 今次真大鑊....

客戶主要英國同荷蘭, 所以佢地受疲情影響下停工而且開工無期, 所以公司都未知幾時回復正常或再進一步更差....

我覺得米奇呢張相十分切合我心情啊 ~! ~!

今日全球已有一百萬人確診, 五萬人死亡

COVID-19

未到農曆新年已經開始口罩日子, 由武漢至全球, 新型肺炎實在比17年前沙士更為嚴重 ....

香港市面情況超級誇張, 好似未日已到咁, 搶口罩, 搶消毒用品, 搶米, 搶厠紙 .....

口罩最為短缺, 排隊幾日買口罩不足為奇, 但有錢都買唔到, 所以出現自制布口罩....

我公司做內衣褲, 雖然生產不在香港, 但有做貨辦同事好好手工, 做左個送比我 ...

自2月開始, 公司每日提供1個口罩全日都要帶住工作, 真係好辛苦, 令我鼻痕鼻塞, 估唔到我吸貓毛大, 但醫生話我因口罩鼻敏感, 好彩食1星期藥後無事.....

因為鼻敏感怕帶口罩, 病症又似感冒, 怕令人不安, 所以假期都係屋企, 就算家姐約我都唔想出外....

雖說要加強消毒, 但係屋企我唔會用太多清潔劑, 因為怕影響到米奇, 都係用我自己做環保酵素算....

2月武漢封城, 香港封關, 追蹤患者曾接觸人隔離14日, 停課, home office......

3月開始香港情況比較穩定, 我都可以出外行下街 ...

不過近日歐洲好多人確診感染, 而避疫回港人士相繼確診 ....

今日全球疫情更見嚴重, 以上圖表只係部份國家情況, 真係好擔心專家所講成真, 要維持1-2年呀!~!~!~

新年願望

2019年香港環境不太理想, 半年間多人有不同轉變, 令我感到無奈同傷感 ~

5月突然失去亞金更加令我難於接受

2019傷感的一年......

2020重新出發 ......

期望社會回復舊貌, 大家團結愛惜香港 !

期望Mickey 四處尿情況有改善, 可以增加多肉肉就最好喇 !!