紅辣辣

昨晚放工返到屋企睇電視至知原來有超級紅月亮

下午已經有人準備霸位

晚上7點幾望出窗外雲層十分厚,所以完全睇唔到有月亮

唯有睇下網友作品

加埋香港夜景又真係好靘

 

 

今年唔止紅月亮勁,氣溫都一樣火辣辣

5月23號星期日過左香港有紀錄最熱5月,真係靜坐都滴汗

 

7, 8月...點~ 算~ 呢~ !!!???

步步驚心

上年MICKEY行快同轉身唔穩陣, 所以已經加左好多膠墊 ....

 

由上星期開始 MICKEY眼仔已經退化至睇唔到, 我已經將固定擺設唔變 ,不過見佢行路有時會撞到櫃邊同牆, 好彩佢都係慢動作 ....

對於一隻好動貓咪要接受睇唔到, 我都感受到佢十分焦慮不安

我只能抱住安撫下

而家MICKEY都已經適應知道膠墊有上落位置

 我就特別加大張布墊做開餐位置

 

希望佢用腳仔知道自己行到地方啦 ~

唉 ! 不過由於MICKEY睇唔到關係, 所以四周尿臭情況好嚴重, 近日見佢唔搵沙盆, 一坐地就痾, 真係處處都有機會中, 最煩係地櫃, 以防有尿透入即加尿墊

 希望保護到下啦 ~ ~ ~

 

鼻敏感

以前見姨娚仔女鼻敏感長流鼻水又眼痕知道好辛苦 ~

而家自己因為帶口罩致敏感鼻痕喉嚨痕, 最煩係疫情下係人家面前怕被誤會中招, 其實自己有時都驚驚地 ........

最初睇醫生要食十幾日藥, 之後又再唔舒服, 其實醫生都話我帶口罩就會長期咁樣, 於是我買成藥食試下都可以控制到, 但食敏感藥後個人好似比以前怕凍, 朋友建議下我上年開始食CS4蟲草產品, 之後直到今日都每朝食CS4

試左唔同牌子

 

因為有特價就試下

而家有兩個牌子食後都得, 所以見平都會買定

    

其實而家已經一日用2個口罩, 但帶耐左口罩都唔舒服, 無辦法都要頂住啦!

 唉~! 相信最少都要食多一年呀!

 

再見肥仔B

2021年4月3日零晨3時多, 家姐抱住肥仔B, 漸漸肥仔B消失呼吸飄往彩虹橋....

2000年9月1日係家姐屋企出生, 10個月大時經歷過離家出走2個月, 好彩有好心人幫助尋回, 之後一直乖乖留家得到無盡愛錫...

近年因腎病而消瘦, 今年更經常抽筋, 2月14日年初三再度要去睇急症....

每日食6種藥同打皮下水, 堅持到20歲半已足夠, 超額完成貓生了 ~ !

肥仔B加油

肥仔B已經20歲, 近年視力退化睇唔清, 所以家姐屋企整左地方困佢

其實屋企環境肥B都好清楚, 佢會慢慢行, 不過為防意外, 無人係屋企就要困住

 

1月初家姐話肥仔B胃口麻麻, 之後又精神唔好, 過多一星期又話瘦左, 所以20號去見醫生

肥B上年初發現有血壓高同腎病, 而今次覺得佢腳仔有問題......

經醫生診斷腳同背都有痛, 仲有脫水情況, 體重相隔2個月輕左1K

驗血報告腎指數差同胛低

要打骨針同皮下水

聽到我好心痛, 有疫情都唔理要去探下肥仔B

而家背脊摸到骨, 見佢真係瘦左好多呀 ~!

 

不過家姐話打左2日皮下水之後精神已經好左, 但胃口都唔係太好

骨針每星期1支, 總共要打4支

年紀老就要面對身體退化, 只希望可以幫到小朋友唔需要承受太多病痛之苦 ~

石生花(屁屁)

 去年10月去花墟睇花買泥無意中見到佢......

覺得好可愛, 細細盆只需$20, 老闆娘話要控水, 可以一個月都唔需要比水

我心想水係生命之源, 唔比水如何生存呢?!!!

於是係盆底比水吸得好快, 隔一星期又比小小, 之後長高好多呀.....

 

上網搵下資料, 見到原來有多種顏色仲有花開

 
 但再過1個月發現有幾粒唔見左, 疏落哂呀~

 

問網上種植群組, 佢地話係化水, 我比得多水, 叫我即刻重新種過, 起出來好似牙齒咁, 真係毛管棟, 要涼乾3日再落泥....

網友叫我唔好種得太迫, 要有空間疏氣, 所以我分左2盆仔

而家只係2-3星期噴小小水係表面, 網友話保持原本狀態已經係成功一半

見網友話花墟仲有其他色, 但因疫情怕人多, 我一直都無再去

近日應該係年花時間, 相信更加多人, 所以唯有忍到過年後再諗