天氣時暖時冷又潮濕,人都會受影響到唔舒服,特別有關節痛症。。。
貓咪年紀大,醫生都會提醒為貓地保暖,亞金後腿退化更容易痛痛,昨日去針灸當醫生按到某D部位,佢即刻叫又回望醫生,醫生話今次比上個月明顯有痛喎,所以針灸都要跟天氣而增加或減少~
雖然有痛,但亞金都算合作,只係鬧下人叫幾聲
總共10枝針都順利完成,之後係貓箱乖豬仔瞓30分鐘
上個月針灸之前有篤手仔驗血糖合格5.1mmol,所以今次只需針灸唔駛篤手仔
有人覺得亞金好受苦,早晚要打胰島素針,後腳又退化,不過我又點可以放棄咁可愛小肥金呢!?
其實係屋企佢地真係皇帝咁,雖然我唔係有錢人,但已經盡力比佢地最好,見佢地生活都好寫意咁。。。。
兩兄弟當然間中有爭吵,特別米奇霸道性格成日蝦亞金,好彩亞金又好好都會原諒佢
雖然有長期病,但眼見好多貓友經歷,我已經覺得自己完全要感恩可以順利照顧貓地,希望兩隻仔繼續咁叻豬啦~!