2018年2月21日 星期三

狗年大吉大利

恭喜發財 ! 萬事勝意 ! 身體健康 ! 工作順利 ! 
吉星高照 ! 闔家平安 ! 步步高陞 ! 貓肥屋潤 !


 新年當然要準備好利是比我兩位心肝丁


年初一我3個家姐同佢地家人來我家團拜, 晚上15人熱熱鬧鬧打邊爐, 因為有人敏感又怕貓, 所以唯有困住貓地係房, MICKEY又大叫不滿, 大家姐同姨娚就不停出入房安撫隻衰仔~

年初二去大家姐屋企開年就有3貓陪食

波波而家多數係貓窩休息


肥仔B食完蝦蝦就滿足



細細因近日又有D漏尿, 所以我地堅持無任何小食同雜糧, 所以成日係人身邊攪攪震




新年放假一星期, 可以好舒服休息同玩........

玩左個對聯遊戲幾得意!


2017年12月10日 星期日

再見了.... 細妹

細妹係亞金女兒, 記得當年係家姐屋企出生, 波波生3隻貓B, 其中最細就係佢, 所以名為..... 細妹

細妹樣子可愛, 本想可以送朋友, 咁屋企唔會太多難照顧, 但由於性格唔好, 自小地墊門邊賴尿, 所以即使有朋友想收養, 我地都拒絕



小時常痴住媽媽波波, 波波亦全心照顧


不過性格獨特細妹漸漸同貓疏遠, 只有視我家姐最愛, 成日都要抱抱錫錫

十幾年過去, 賴尿情況不改, 更加唔喜歡屋企多人熱鬧, 經常發脾氣出爪, 不過家姐同家人都照單全收

11月中發現細妹大脾與肚皮中間有血水傷口, 但肯定唔係打交, 因為其他3貓都怕佢, 而且有圓形硬硬地, 所以立即約睇醫生, 以細妹性格打針都要入洗衣袋, 個傷口醫生只可以望下而唔可以摸, 想用手細妹已經張牙舞爪

醫生開藥洗傷口同要食抗生素, 但醫生話擔心細妹, 因為傷口近乳房, 而且佢體重又輕左好多

不過估唔到........

細妹睇完醫生後情緒好差, 返到屋企只匿埋, 唔單止唔肯食藥, 連糧都唔肯食, 家姐每日花時間照顧佢餵水
 
醫生話可以吊鹽水, 但家姐知道再去診所細妹會更加心情難受, 所以決定比細妹係屋企安靜度過



12月2日係細妹火化日子, 家姐第一次送別毛孩, 痛哭傷心, 出生至離開都係屋企, 完滿了一生