冬至又聖誕

 

今個冬天一直都和暖, 上星期終於天氣轉冷, 怕冷米奇都係被窩唔願離開 ~

亞金唔係太怕凍 => 因肥膏頂得住

瘦仔米奇唔肯著衫, 頸巾都係唔中意, 影相後即要除 ~


真羨慕人家貓地肯著衫扮靚靚啊!!

急急裝修(3) 完

經過兩星期多終於收番間屋

師傅進入最後程序, 我地準備清潔 ..... 

油埋房邊小小位置

安番好書櫃

再清洗冷氣同調較好盞新燈

趁星期六同日, 2個家姐同姐夫幫手左抹右抹, 5個人努力下終於算係可以啦!!

真係好攰散晒
 

星期日黃昏拿拿林接2隻心肝丁返歸 => => =>

亞金返到屋企即刻試瞓新地磚, 應該好爽

MICKEY最初四處走. 望望下記得番就靜左, 上床休息, 最重要係搓被被

即刻放鬆晒~!

我都準備好新龜沙比ＳＵＮＤＡＹ

大家都回復以前一樣, 真開心 ！

一次裝修真令我筋疲力盡, 所以真係好佩服朋友可以經常搬屋裝修

雖然話已經返屋企住, 但其實好多物件都未執, 我只係大致可以住就算, 而且有傢俬未買, 要再度位想清楚訂做, 呢樣係最煩, 所以之後再慢。。。慢。。。收拾

今日已經一個多月時間, 只係書櫃仲亂, 其他都執好晒, 以我呢個懶人龜速差不多啦～～～

急急裝修(2)

2貓1龜到達大家姐屋企, 4貓即刻進入作戰狀態......

我先將MICKEY安置入籠, 就算係籠內都十分緊張, 因為波波同肥B行去個籠FE

之後睇亞金好安靜完全無理佢地FE, 我就放亞金...點知肥B追住亞金, 亞金匿去梳化底, 家姐想叫開肥B, 但佢好惡, 咁我地都有保護自己工具, 就係工業皮手套

無奈見到咁情況唯有一直困住MICKEY, 點知比水時唔小心佢走左出籠, 即時同波波肥B大戰, 我即刻帶起皮手套捉佢入籠, 真好危險 ....

呢個大籠係家姐屋企比4貓平日HEA, 而家變左MICKEY避難所

我屋企個細籠都帶到家姐處, 因估計亞金都要困

家姐4貓最無用係細細, 比混亂情況嚇到好驚 ~ ~

家姐等4貓安靜D後就氹佢地入房食糧, 我可以放MICKEY出籠鬆下, 不過MICKEY好緊張怪叫, 仲FE 我!!! 

見咁情況我決定瞓廳睇住MICKEY同亞金, 家姐同姐夫就將4貓困房瞓, 無得自由活動

好彩外甥仔同老婆囡囡已搬去新屋, 如果孫女見到一定好驚呱呱叫 ~ ~ ~ 

今次最叻都係亞金, 佢無FE貓, 只係8卦周圍睇, 有貓追佢佢就入細籠, 我墊地瞓佢仲擹得好舒服

SUNDAY就放係廚房

間中有走出廳, 肥B又跟住晒

如是者........

放MICKEY出籠4貓就困房

無人係屋企4貓都困房, 因為雖然困住MICKEY, 但唔想困亞金係細籠咁辛苦, 又以防有貓跳去籠頂嚇MICKEY或者FE亞金

好彩有家姐同外甥女下午時間係屋企, 所以MICKEY都會出籠HEA......仲要我家姐抱

但就令到肥B同細妹呷醋要家姐同外甥女錫番

兩個多星期都好忙地困貓放貓, MICKEY困籠大叫, 4貓困房長時間會打交 @@

當中有件事都幾得意, 就係爭飲水................

因為亞金糖尿病要多飲水, 所以我將佢平日用膠水兜帶到家姐屋企, 放係細籠裡面, 點知波波, 肥B, 細妹, 細細都爭住飲

奇怪在係排住隊等飲水

家姐話佢地係貪得意喎 XDDD 

急急裝修(1)

9月頭某日下午媽係屋企睇睇下電視聽到地下有扑扑聲, 本來係地下反肚瞓肥金好驚跑左入房, 媽發現原來係地磚爆裂......

好似地震咁呀!!! 

其實咁情形我對面屋都試過, 話因冷縮熱脹喎, 不過我家情況都好嚴重!!

之後肥金一直都驚無出廳瞓, MICKEY都怕左D磚, 因為谷起晒好可怕~! 

第二日搵裝修師傅睇, 佢係家姐朋友, 所以會盡快開工

我叫師傅幫忙先清理呢塊, 因怕媽踢到, 點知一起就好似災難片大地震咁不停裂開 .......

 屋企即刻安排裝修事, 人要走, 貓同龜都要走啦!

好彩有幾個家姐幫忙, 所以人貓龜都有落腳地方.....

我習慣用NOTEBOOK寫BLOG睇BLOG多, 電話只係上FACEBOOK, 呢兩個月屋企都亂, 收埋左部NOTEBOOK , 所以近幾日至開番部機見大家~

突然要裝修無準備真係好煩, PACK野隻衰仔又攪攪震 !! 

安排好媽去三家姐屋企住

我同2隻心肝一齊去大家姐屋企住, 佢屋企4貓一定唔多LIKE

仲有SUNDAY跟我喎~

好 !~!~!~

出發 => => => => 

打預防針

我家MICKEY越大越難接受陌生人, 以前細小時見人就黐, 可以摸下抱下, 點知而家有朋友來我家, 佢竟然FE人同出爪, 正衰仔!!! 

平時每個月亞金去針灸用貓箱, 呢隻衰仔見到個箱知道唔關佢事, 竟然入去HEA唔肯出0黎, 而亞金就好驚快閃

7月尾, 一年半日子又到 , 係到時候打預防針.......

雖然醫生話佢無出街可以唔打, 但因為亞金每個月都去診所, 而診所同寵物店一樣容易有細菌地方, 所以以防萬一, 而且MICKEY已經15歲, 去檢查下牙齒, 耳仔, 比醫生摸下身體, 聽下心臟都好

因MICKEY性格好緊張, 用貓箱會亂撞, 所以用貓袋攬住有安全感D ~

貓袋一出, MICKEY知今次到佢去診所即匿, 反而亞金好輕鬆8個袋, 所以貓地真係好聰明

MICKEY去到診所表現出超惡, 姑娘話難怪佢會咬晒亞金D鬚鬚 ><"

雖然已經剪左爪, 不過佢都一樣出手, 仲怪叫, 所以醫生無探熱, 我真怕MICKEY咬人, 所以叫姑娘幫佢帶個喇叭, 我知用喇叭MICKEY更加不安, 無法啦, 咬到人就麻煩!!! 
醫生見到MICKEY真係好惡, 所以無同佢檢查, 只係問我有關佢生活情況, 今次體重4.3K, 同上次差不多, 係我地傾計時候, 發現MICKEY平靜左, 佢好留意我說話, 於是醫生叫繼續講, 不經意之下就係膊頭位置打針成功 Y^^Y

好彩都打到支預防針, 我見MICKEY咁惡, 仲怕會打唔成, 其實上次打針都已經好扭計亂咁踼, 好難至探熱同睇牙齒, 上次醫生話佢有牙石, 要多D清潔, 但今次醫生睇唔到佢D牙齒, 唯有當無事啦~ 

蛋。蛋。。蛋。。。蛋。。。。

前兩日起身係露台仔見到Sunday旁邊有粒白石春, 睇真D........

應該係一隻蛋 ! ! 

養左Sunday已經6年, 而上星期開始佢經常用後腳擦條尾, 又唔肯食0野, 我仲以為佢皮膚問題, 所以仲用比佢浸鹽水浴

發現隻蛋之後, 我左諗右諗無理由有雀仔飛入屋生蛋, 最大機會係Sunday生, 因為我知烏龜係可以無交配而生蛋, 不過...........我一直以為Sunday係仔仔

而隻蛋真係好大, 又唔係圓, 而係長喎 ^0^

朋友比左資料我睇

有幾位養烏龜朋友都有咁經驗, 家中只有一隻烏龜都會生蛋, 但因蛋無受精, 只係烏龜女成長後定時排卵, 因此蛋唔可以孵出BB

當晚放工返屋企同媽媽講, 之後比隻蛋佢睇, 媽話Sunday四處行, 可能想搵自己隻蛋, 於是我就比Sunday睇下

其實隻蛋比起初見到時已經縮細左, 我諗起要生咁大隻蛋, 真係好辛苦又危險!! 

點知Sunday不停又推又想擒 .... 呀 ~! ! ! 

踩住左 => => =>

唉 ~ 雖然唔會有烏龜BB, 但都唔好咁

朋友佢地話好多會隻烏龜自己食番, 而且生開就會繼續有, 有時會幾日後再生, 或者已經其他位置生左, 叫我留意下

但周圍搵都無, 粟米龜沙一樣無

而家主要餵兩種乾糧, 希望Sunday妹以後都健康, 身體可以頂得住

貼下熱辣辣相先.....

今個夏天實在太熱辣辣, 貓地反轉晒 ~! 

開左冷氣就舒服得多 ^3^

即刻醒晒仲要抱抱

真無法! 

天氣咁想環保唔開冷氣又瞓唔著, 食餐飯都滴晒汗 =_="

地球真係病左 T_T 

另類療法

兩星期前帶亞金去針灸, 係診所內見前有呢個介紹

其實靈氣治療都唔係新鮮事, 因為7年前朋友都幫過細細做, 因為當時一個月大細細條腸蠕動十分慢, 令至長期難以便便, 更要全身麻醉通便, 所以朋友就叫我e貓張相比佢, 就可以做靈氣治療 ~ 

至於效力有無呢 ........

當時我家姐因為細細條腸, 任何有可能幫助方法都用 => 食南瓜, 肚仔按摩, 穴位推拿, 所以都唔知係邊種有效,細細就漸漸每日一便

另外仲有呢個介紹

姑娘話按摩師唔係日日係診所, 需要預約, 第一次試係免費, 之後$280-$380, 要睇動物大細同時間

當日剛剛按摩師係診所,佢見亞金做針灸好乖, 所以想試下同佢按摩

不過亞金似乎唔中意, 特別係想按佢後腳時更加抗拒踢按摩師, 無針灸咁可以對正痛症患處, 所以以後都係繼續做針灸