經常與中學同學聚會, 呢班真係好好, 每次都會無所不談盡興而歸, 今次有特別嘉賓......
Miss Lam
但我呢個學生實在太過份, 竟然無印象, 反而老師能夠講出我當年外型~
雖說只教我一年英文科, 但老師教學多年都認得我呢個平平無奇學生, 真係只怪自己無記性!!!
老師正享受退休生活, 閒時喜歡唱粵曲, 希望老師能身體健康, 開開心心 ^^
自從有FACEBOOK後大家都似乎少左寫BLOG, 再加上YAHOO取消左, 更加失去好多BLOG友.......
我總覺FACEBOOK同BLOG係完全唔同
FACEBOOK即時可以將自己生活同朋友分享, 係一個好好互動平台, 但我嫌只要唔睇一日就好似錯過好多事唔知道
BLOG就可以好有條理將自己生活分門別類, 由開始來龍去脈道出, 內容又深入D, 朋友從標籤上可翻看, 仲有晒日期, 新文章提示, 可以知道朋友曾經發佈一切
當然最好係兩樣都加入成為朋友啦, 因為最怕BLOG又話有問題, 真係煩死!!!
