20 Mickey

11月19日係米奇同亞金20歲生日

當年係街執時剛開眼未識行食奶b, 所以相信作為出世日子亦相約

今年無亞金相伴令我更加珍惜有米奇日子

20歲貓年齡相等人類約100歲

雖然眼見米奇活動能力大不如前, 身體瘦削

但依然有精神發下癲, 扭下計, 我已經好滿足

米奇, 你要貓體健康陪住媽媽啊!~

不冷的冬

已經11月啦, 早上最涼快23度, 日間有太陽就接30度, 真係無左個冬天 ?,?

地球村一年比一年熱, 今個夏天熱到貓地都食量減少

朋友見到 mickey 仔張相都話佢扁左

過2 日就立冬, 不過天文台預測有都係和暖 25-28

自製酵素

幾年係FB見到人家做酵素, 我覺得環保又安全, 可以試下, 因為我一直唔敢用太多清潔劑抹地同洗貓地被仔......

10份水, 1份糖, 3份生果皮, 發酵 3個月或以上就可以

之後隔渣, d渣唔好掉, 可以用個煲湯袋袋住洗衫, 特別洗貓地d被仔好癖味

前年用多種生果做, 但之後發覺好深色

因為屋企磚地同床單係淺色, 所以覺得唔係幾好, 上年就分一深一淺

剛剛過左中秋, 有個靚靚碌柚皮, 我又開始動工

中秋節

今日中秋節, 祝大家美滿團圓, 開開心心一家人過節~ 

近日香港氣氛唔係幾好, 所以節日感覺不太濃, 希望社會走出困局可以和諧共處 ...

香港人加油 ~!!!!

仍在痛

亞金離開已2 個月多, 別人眼中我好堅強, 無太大哀傷, 好快就生活如常.........

我自己都以為只係間中係屋企依然會叫亞金, 會想到某些事鼻子一酸流淚亦無大礙

但 ............................

今月初開始想到要再去診所幫米奇攞藥, 我真係驚, 驚又再重踏每個月帶亞金去針灸道路

不過呢個感受我無同家姐講, 始終都係要面對, 昨日面對真係好大考驗

一攞完即刻離開, 唔敢同姑娘拜拜, 因為眼淚忍不住 .................

空氣草..2

空氣草可以隨意擺放, 又有好多品種, 所以累積經驗後我又試其他

其實種得好大部份空氣草都有花開

花開之後就有機會生小b

正常小b要有母株一半大至適合分可離母體, 但有時唔小心就甩左上圖咁細

所以有b多會送比同事試下

Air Plant 空氣草

我種空氣草已近3年, 其實屋企一向都有植物, 我個人十分喜歡觀葉植物, 但阻於地方有限, 再加 Mickey會玩破壞, 所以只有幾盆種佢唔會攪 "開山" 植物

3年前忍唔住買第一棵空氣草, 好好彩Mickey又無理...

個花型架其實係墊煲用

發覺好好玩好方便, 而且品種超多, 之後又再買多d......

美杜莎3年後變晒樣, 睇下....

前年係花展最後1日執到平貨好開心 $10/棵

再有d不知名....

呢個自己加工送比朋友

當中都有失敗c左

玩玩下越來越多, 但因為生長好慢, 所以都方便擺放

Mickey 俺悶

Mickey 自己係屋企一定好悶

不過佢急燥緊張性格令我暫時不放心加貓

始終行動已經比年輕時差距遠

其實上個月佢曾經由高床跌落地, 之後坐或企都側跌, 好彩食3星期藥後無事

為免再有意外, 決心拆走上格床, 無得跳好無奈

但一好d佢又再跳高, 而家見佢有動靜我都好小心旁住

亞金11/1999-5/2019

昨日係亞金火化日子, 見到佢安詳樣子, 以為自己可以放開, 但到進入爐裡, 我真的崩潰了.....

5月18號還一切正常生活, 19號黃昏返家見到亞金倒地嘔水賴尿, 我即刻帶去診所搶救, 用1小時多後醫生話依然危險, 血糖低已打2支糖水, 雖然穩定血糖但抽筋情況嚴重, 要打3支止抽筋針

轉到24小時醫院, 醫生需要亞金入icu

可惜始終抽筋情況不斷, 20號中午時候心跳開始放慢

我心中明白19歲貓咪怎能承受下去, 所以醫生建意用藥物讓亞金離開我亦接受

1個月的亞金同 Mickey 多可愛

永別心肝丁亞金

世事無常, 未及回覆大家, 我家亞金短短2日就離開了

昨日5月20號下午我接受醫生意見用藥物送亞金走

心內好痛.....極痛

BallBall RIP

波波於4 月24號飛往彩虹橋

自上年11月開始波波牙齒及口腔問題出血, 驗血報告可以, 所以安排洗牙, 洗牙後口腔情況不太理想, 因為傷口總不能癒合

之後兩個月再發現鼻樑有硬物, 家姐不想波波再次接受麻煩, 因為當時只有2k, 而且心中都知道19歲老貓康復機會十分微

半年間只能努力令波波生活自在舒服, 但始終要食藥見醫生難免

回顧波波一生都幸福, 同胎有mickey同亞金, 出生開眼後3隻被遺棄於街, 不過即日已比家姐發現, 自此就有溫暖的家

波波離去令我十分感觸, 自知如今mickey同亞金都每日退化中, 所以特別珍惜佢地每一刻, 盡我所能陪伴佢地