話說仔仔媽要佢隻奇哥仔帶煲呔, 其實我2隻仔都有, 不過上年裝修後就收得太好唔知去左邊, 所以搵唔番添.......
睇住舊相先啦 => => =>
呢個煲係貓友親手做比 mickey
外甥女係日本買, 但肥金條頸都好免強下
愛協 hello kitty藍蝴蝶
仲有應聖誕節
以前有多色圍巾, 不過電腦得呢張,其他d相要再摷下
有1隻衰仔越o黎越難攪, 賴尿貓真令我頭痛.....
見到佢碌大隻眼完全唔怕我鬧就知係你啦!!
以前有婆婆係屋企都會驚下, 唉~~!而家就可以日日癲
我真係無你辦法~
有時又扮乖仔喎
咁間屋點算呢 。。。。臭尿貓!
9 月26日星期一早上7:12
媽媽永遠離開了....
真的很難接受, 開始時只係感冒, 我請假陪伴睇醫生, 第一次食藥後情況未好, 之後睇第二位醫生後已經有好轉, 但突然星期六下午十分頭暈, 叫白車入醫院, 之後仍有講有食飯, 星期日晚病情急轉直下, 醫生急電叫全家人到醫院商量, 一個87歲老人家被惡菌侵入, 嚴重影響心肺肝功能.......
爸爸年輕時因病離開, 我對爸爸全無記憶, 而我一直同媽媽共住, 所以心裡只有媽媽一個, 雖然知道媽媽總有一日離開, 我都以為自己可以應付, 但原來不容易
已經過左一星期多, 但我依然未想清理媽媽一切物品, 所有一切
....................................
經過超級潮濕天氣後, 又落幾日雨, 今早終於有乾爽晴天復活節 n.n
家姐見小朋友好開心曬太陽, 忍唔住要影相比大家睇下........
波波.....係媽媽級
介紹一下先 =>
波波 同我家肥金 ...... 佢地係1歲前一齊住家姐屋企, 一個唔小心就比肥金攪大波波個肚生左3隻小毛孩
其中1隻送比朋友, 另外2隻留係家姐屋企
肥仔B
細妹
由於家姐要照顧波波同貓B, 所以肥金就來我家同Mickey生活啦 ~!
=> => => => 過左約7年後
家姐係屋村公園執到3隻剛開眼小貓B, 斷奶後其2隻比朋友收養左, 只剩下1隻, 因身體有問題, 怕會被嫌棄所以家姐決定唔送比人
雖然細細未夠2個月就要全身麻醉通腸, 後來又發現有心漏症, 但佢生命力十分頑強, 一直都算健康
細細今年已經8歲
始終先天不足有問題, 所以養唔大咁, 身型比較細隻
睇下佢同肥仔B分別
細細性格較為神經質, 又中意攪攪震, 所以其他3貓一向唔睬佢, 難得今早可以一齊曬太陽
仲錫錫喎!!!
簡直係世紀之吻 ^O^
一隻衰仔近年日日四周尿尿, 我覺得佢係嫌棄貓沙用過, 但我家已經兩貓兩沙盤 ....
可能因為自小MICKEY行為粗暴, 所以我媽見佢抓沙盤太嘈就即刻剷走C尿, 久而久之隻衰仔就習慣用乾淨盤, 但自從幾年前媽媽做左腳手術後要用拐杖, 更加唔可以屈膝清沙盤, 之後就發現MICKEY係屋企無人或半夜四周尿尿
不論新舊抓板都照尿, 每一塊都有尿味....
我都無法, 唯有噴下白醋再晒下
之後仲有貓箱......
每次有布係貓箱佢就尿尿, 膠箱比較方便沖洗都算啦~
再而係紙盒....
最初我以為清走晒D紙盒, 抓板, 貓箱會無事, 但=>=>
原來MICKEY會將自己瞓覺籃裡面被布拉到地下尿尿, 更加衰到冬天自己呢張墊地坐布都尿
真無法, 唯有比佢習慣呢幾個位, 留番D舊衫舊布可以換走尿布, 免得隻衰仔唔知係邊度賴尿@@
而家間屋成日都有尿味, 朋友話用白醋或者花露水, 但衰仔日日咁攪都好難完全清除陣味...T_T
你隻衰仔真係煩C媽 !!
祝各位新春快樂!
家中人貓狗鳥兔龜 . . .
所有家庭成員日日=>
龍馬精神!!
笑口常開!!
家長們 =>
工作順利!!
財源滾滾!!
福星高照!!
今年係猴年, MICKEY係 隻似足馬騮超級活潑貓咪, 16歲都跳上跳下, 雖然經常被婆婆投訴, 不過都算係好事 ~