肥仔B已經20歲, 近年視力退化睇唔清, 所以家姐屋企整左地方困佢
其實屋企環境肥B都好清楚, 佢會慢慢行, 不過為防意外, 無人係屋企就要困住
1月初家姐話肥仔B胃口麻麻, 之後又精神唔好, 過多一星期又話瘦左, 所以20號去見醫生
肥B上年初發現有血壓高同腎病, 而今次覺得佢腳仔有問題......
經醫生診斷腳同背都有痛, 仲有脫水情況, 體重相隔2個月輕左1K
驗血報告腎指數差同胛低
要打骨針同皮下水
聽到我好心痛, 有疫情都唔理要去探下肥仔B
而家背脊摸到骨, 見佢真係瘦左好多呀 ~!
不過家姐話打左2日皮下水之後精神已經好左, 但胃口都唔係太好
骨針每星期1支, 總共要打4支
年紀老就要面對身體退化, 只希望可以幫到小朋友唔需要承受太多病痛之苦 ~
