肥仔B已經20歲, 近年視力退化睇唔清, 所以家姐屋企整左地方困佢
其實屋企環境肥B都好清楚, 佢會慢慢行, 不過為防意外, 無人係屋企就要困住
1月初家姐話肥仔B胃口麻麻, 之後又精神唔好, 過多一星期又話瘦左, 所以20號去見醫生
肥B上年初發現有血壓高同腎病, 而今次覺得佢腳仔有問題......
經醫生診斷腳同背都有痛, 仲有脫水情況, 體重相隔2個月輕左1K
驗血報告腎指數差同胛低
要打骨針同皮下水
聽到我好心痛, 有疫情都唔理要去探下肥仔B
而家背脊摸到骨, 見佢真係瘦左好多呀 ~!
不過家姐話打左2日皮下水之後精神已經好左, 但胃口都唔係太好
骨針每星期1支, 總共要打4支
年紀老就要面對身體退化, 只希望可以幫到小朋友唔需要承受太多病痛之苦 ~
好唔想見到啲寶貝有病痛,無奈佢哋年紀會越嚟越大,將來生離死別,一定在所難免,就算依家幻想起都想喊
回覆刪除真係好唔捨得,而家每次想起亞金離開前不斷打止抽筋針,最後都要受一針比佢走,佢一生都受打針之苦,我都好人心痛!
刪除可考慮用針筒餵, 如果靠貓自已一定會繼續瘦落去, 一星期胃口差可以唔見半磅, 我呢幾年見貓食唔晒就用針筒餵
回覆刪除肥仔B唔肯用針筒,會出手推開,我叫家姐問醫生攞開胃藥試下
刪除小朋友冇胃口就已經係警號,希望打咗針會幫到佢,肥仔B努力呀!
回覆刪除家姐話肥B係因為唔中意食腎糧, 佢想要香口糧, 但咁又點得呢!
刪除