一起成長

家姐第一個孫4年前出世.....

我升呢做姨婆, 滿月小孫女我抱上手都好硬正

出生一個愛貓家庭就註定要同貓咪一齊生活, 家姐全家亦懶理四周謬誤

家姐屋企四貓, 佢講明一隻都不能少.....



來到我家一樣有貓咪, MICKEY第一次見人仔, 所以十分好奇

之後貓同小女孩一齊生活, 互相學習, 互相適應

別人眼裡危險, 敏感, 不可能共存, 通通都係偏見, 只係唔去嘗試, 去理解......

當然貓要教導, 小朋友更加要教導

其實貓好有愛心, 對小朋友好大容忍, 而小朋友要學識同貓相處規則, 不可以全由貓咪忍讓 ~

孫女行未穩, 波波同細細都擔心跟住...

細妹十分自我, 唔喜歡別人打擾, 所以由細就教孫女要比細妹有寧靜空間, 不可以大聲亂叫

講到孫女最錫 => 就係肥仔B

肥仔B真係好乖仔, 可以同孫女親密接觸, 大家都放心

孫女經常誇稱 ... 係我0既肥仔B

 

希望大家要珍惜生命, 不可以因有小朋友而棄養, 動物亦而有情感, 只要付出愛心, 真誠去嘗試, 其實家中寵物會成為小朋友好玩伴, 更加令小朋友懂得自律, 懂得愛護身邊一切

定期針

7月細細去檢查心臟失敗後家姐覺得細細實在太驚, 所以一直唔想再帶細細去診所, 但一年半支定期針下星期到期, 無得再推之下星期三終於帶細細打針....

預先已經同梁醫生講上次情況, 所以梁醫生今次先打支針, 之後再慢慢檢查, 最主要聽下心臟雜音

始終由細至大睇梁醫生, 而且梁醫生比較溫柔有耐性, 一下就打好支針, 快靚正, 唔同上次個心臟專科醫生咁誇張, 姑娘都要3個捉住細細

雖然細細返到屋企都有D驚, 不過好快無事~ 

再比D小食就更加開心

聽心臟雜音唔係好嚴重, 不過我地都唔理住, 以免細細又嚇餐死, 真係嚇到心臟病發呀!!!