搬家事情令我十分疲倦, 因為要完全清空傢俱什物交回政府,所以會非常嘈吵混亂, 對於一隻雙目失明貓會做成好大驚慌, 於是決定聖誕節時將MICKEY送去家姐屋企暫住
MICKEY都唔係第一次去暫住, 所以我都好放心
搬屋後發現附近仍有多戶裝修中, 因此常有鑽洞聲, 再加灰塵好多, 所以MICKEY要過多幾個月至回歸
我平時放工都間中去睇下佢, 假期更加長時間抱抱錫錫
1月下旬有日家姐話佢起身企行跌跌踫踫又成日無胃口食, 於是我立即約醫生
當我約到醫生後, 家姐又打電比我, 叫我立刻返去, 因為MICKEY呼吸微弱, 我係公司喊住即走......
去到見家姐抱住MICKEY, 我真係好驚呢一刻
我不停同佢講話, 但都唔得講左咩, 慢慢開始有反應, 佢開始撐撐下
約醫生時間差不多到, 我就改左第二朝早, 當晚雖然係家姐屋企瞓, 但我又點瞓得到呢!
因為一直睇開梁醫生上年已經移民, 今次第一次睇新醫生
一隻22歲貓, 大家都明白佢已經好努力, 醫生亦講隨時可以安排打針, 但我依然想試下, 要同MICKEY一齊努力
醫生比左消炎止痛藥同開胃藥
我真係彩第一次見開胃藥係搽耳仔
我住係家姐屋企照顧MICKEY, 見佢精神番而且開始有食慾, 真係好叻仔呀!!!!
日子漸漸過, 到農曆迎新年準備利是
呢個係我最大願望, MICKEY要身體健康
可以精精靈靈年初一啦~!
Mickey好叻仔，佢仲未想離開妳
回覆刪除我家天師仔舊年時突然唔妥、唔食嘢，我都以為佢唔得，好彩佢好叻仔撑得過，我想天師仔都係一樣，唔想咁快離開我
天師仔唔放棄,所以要對佢有信心,一齊努力!
刪除要好好加油。
回覆刪除♥•.♫.¸.✫¨´`'*°☆.--•╬•
回覆刪除(\~~/)♥•.♫.♥•.♫.♥•
( ='.'=)祝復活節愉快!
(")~(")*✫¨´`'*°☆.•╬•♥