信? 不信??

動物傳心已經唔係新鮮事, 但有好多人都半信半疑.......

唔知大家有無留意上個月都呢段報導

報紙上傳心師 Vicky 曾經幫我了解Mickey同亞金想法 = > = > = >

2011年12月27日

Mickey咬毛事件已經有一個月多, 藥亦食過, 雖然情況未有轉差, 但始終心裡都不安, 心裡有疑惑.....
係朋友介紹下得到動物傳心師幫助, 係無辦法之下, 唯有一試
影張靚仔相E貓比傳心師

事前要同Mickey講會有位姨姨會比同佢傾計, 希望唔會嚇親佢, 而Mickey亦會乖乖說話

Mickey自稱係街貓....雖然係BB時係街執, 但Mickey係屋企大少爺呀~  

點解要咬自己毛毛??? 

本來只係Lam毛, 但漸漸就咬毛, 因為諗到媽媽經常講"唔好" , 媽媽好緊張....呢樣又唔得, 個樣又唔好, 我就控制唔到咬毛啦!
我大個仔, 其實係一隻好獨立貓貓, 自己可以做到好多事, 唔駛樣樣都媽媽咁緊張照顧 ... 

媽媽係好錫你....

我都好中意媽媽, 呢個屋企我都中意, 不過希望以後多D自由, 媽媽唔駛咁緊張 

咁媽媽知道你唔開心會改, 你唔好咬毛啦! 

想唔到我寵愛太甚會令Mickey吃不消....夠唔夠暖, 食得太少, 要食維他命同葡萄糖胺, 太凍一定要坐地墊, 開左冷氣要入房至得, 又嘔要抱番錫錫.......
特別覺得Mickey係隻痴身貓, 再加上因為亞金有病而怕忽略Mickey, 所以經常都叫住佢, 錫住佢, 自從佢咬毛後, 每晚都無上網, 做完家務就攬住佢睇電視傾計, 而Mickey係隻活躍貓咪, 每當有D行為令我緊張, 我就立即 " NO...唔好呀! " , 再加上婆婆經常投訴佢百厭, 所以我更步步為營

我個人精神十分緊張, 經常因事控制唔到而肚痾病, 上年亞金發現糖尿病, 我足足輕7磅, 我自己都唔敢睇醫生, 因為我知道自己問題所在, 但今次Mickey令我要好好反醒, 希望我可以放鬆Mickey, 放鬆自己, 做一個好媽媽, 令仔仔開心過每一日

Mickey都係媽媽唔好, 以後我會最盡唔講 "NO...唔好"



另外因Mickey經常打亞金, 2013年4月21日再做一次傳心.....

MICKEY 想法...

我係大哥, 樣樣都要話事, 亞金唔可以理屋企事, 打亞金就顯示到控制權

呢個答案都係意料到

亞金就懶懶閒, 唔理MICKEY, 雖然比佢咬晒D鬚, 但都無所謂, 有時我唔係屋企佢地兩個都有計傾

但點知傳心師比佢地兩個傾下, 一開始就鬧交, 因為MICKEY堅持自己無錯

佢覺得永遠一定要亞金係佢之下, 但亞金已經無爭, 所以覺得MICKEY唔O岩.......勁鬧交 ~

傳心師作出調解.....

呢件事當然係MICKEY要改, 傳心師向佢解釋咁打交行為令媽媽同亞金反感, 其實佢地係兩兄弟, 無分大細, 媽媽一樣咁錫, 如果MICKEY想做大哥, 應該係照顧亞金, 而家反而係欺凌, 所以行為係十分差~

傳心師亦要我以後注意, 最好對佢地公平, 盡量唔分先後,  唔可以再叫MICKEY做哥哥, 仲要經常向MICKEY解釋和平相處好重要

另外亞金真係幾傻豬

點解媽媽日日都要打我呢??

吓~! 

我係打針呀 !! 

傳心師向亞金解釋, 如果唔打針會CC, 你想生存嗎?

想呀~

亞金就覺得自己已經打左一段長時間, 但仲未停....我都好無奈

所以我打針時比佢睇清楚

準備打針



支針會打係膊頭位



打完.....比亞金聞下有胰島素味



傳心師落左指令比MICKEY要停止再蝦亞金, 雖然係有好轉, 因為MICKEY呢幾日都有所顧忌, 一叫就行開, 但個樣就好唔忿氣咁, 佢叫我唔好心軟, 要堅持阻止, 仲要強硬D語氣~
MICKEY生性啦, 乖乖唔好咁霸王, 一齊同亞金開心生活啦!!

以上係兩段係Vicky傳心詳情

或者大家完全覺得唔可信, 好似我同事笑我傻, 但我想有宗教同事笑我傻時, 佢又會祈禱相信有神存在聽佢一切禱告

當世界有人相信在大氣電波中可以接觸到某些靈異空間時, 點解又唔信人類可以同動物接觸到呢?

我覺得動物傳心在某程度上可以令主人解開疑惑,不過情況就唔一定可以改善, 動物同主人都未必改變到, 好似Mickey今日依然死性不改, 我自己都一樣緊張兩隻仔.....

近日有貓友去參加動物傳心課程, 我自問眼淺, 精神又緊張, 所以怕影響自己情緒, 都係唔會去學lu~