2021年4月3日零晨3時多, 家姐抱住肥仔B, 漸漸肥仔B消失呼吸飄往彩虹橋....
2000年9月1日係家姐屋企出生, 10個月大時經歷過離家出走2個月, 好彩有好心人幫助尋回, 之後一直乖乖留家得到無盡愛錫...
近年因腎病而消瘦, 今年更經常抽筋, 2月14日年初三再度要去睇急症....
每日食6種藥同打皮下水, 堅持到20歲半已足夠, 超額完成貓生了 ~ !
2021年2月1日 星期一
肥仔B加油
肥仔B已經20歲, 近年視力退化睇唔清, 所以家姐屋企整左地方困佢
其實屋企環境肥B都好清楚, 佢會慢慢行, 不過為防意外, 無人係屋企就要困住
1月初家姐話肥仔B胃口麻麻, 之後又精神唔好, 過多一星期又話瘦左, 所以20號去見醫生
肥B上年初發現有血壓高同腎病, 而今次覺得佢腳仔有問題......
經醫生診斷腳同背都有痛, 仲有脫水情況, 體重相隔2個月輕左1K
驗血報告腎指數差同胛低
要打骨針同皮下水
聽到我好心痛, 有疫情都唔理要去探下肥仔B
而家背脊摸到骨, 見佢真係瘦左好多呀 ~!
不過家姐話打左2日皮下水之後精神已經好左, 但胃口都唔係太好
骨針每星期1支, 總共要打4支
年紀老就要面對身體退化, 只希望可以幫到小朋友唔需要承受太多病痛之苦 ~
訂閱：
文章 (Atom)