真的受傷

三月尾某一天發現手指公紅且腫好痛, 完全不能屈曲, 想到係自己換左個袋唔係長鈄帶, 所以成日不自覺用隻手指拉住條短帶.....呢個習慣真係唔好, 所以我多數用長鈄帶袋, 但一時唔為意, 個袋又重就注成大錯 T_T

自己用冬青膏按摩後再用紗布包住, 睇下有無好轉 => =>

過左兩日....係無 

復活節假期5日開始, 都無晒心機, 唯有搵下去睇跌打

朋友介紹連續睇左兩日, 終於消腫無咁痛, 不過隻手指就硬晒, 想郁動下就痛而且依然不能屈曲, 所以轉做針灸

嘩~~ 嘩~~~ 好鬼痛 !!

我第一時間想起肥金, 佢真係好叻好乖, 咁痛真係唔講得少

一星期大約做三次, 本來都有好轉, 雖然隻手指公仍痛但已經屈曲D, 今個星期因為醫師返左鄉下幾日, 我公司又多工作, 一開工隻手又不停打電腦, 寫字就最痛, 總之隻手指向內用力就唔得....但係醫師下月中會結業休息, 要諗下轉去睇邊科好..

醫師前日返香港, 昨日去針灸, 佢話我係彈弓指, 長期勞損所致, 要多休息

唉~! 咁攪法真係要長休 ~ ~ ~ 

一,一 "

讚壞

隻衰豬仔係屋企驗尿一直穩定, 糖尿病無問題呀, 但上星期五見醫生又輕左......0.2

睇下由12月19日磅到6.58之後 1月6.38

醫生問我亞金近月情況, 又真係食少左喎, 天氣太濕兩貓都明顯食少左啦~

即刻篤手仔驗血糖....4mmol 十分正常

雖然近期輕左, 亞金最高紀錄係6.8而家6.2 不過醫生話都可以接受, 可能真係天氣影響, 再睇定D至算...

咁就做針灸啦

 希望唔好新年前比我讚壞左, 唔好再有輕磅, 雖然係肥, 但瘦就更令我擔心!!