醫生話我係彈弓指，但而家隻大手指都完全唔彈。。。
５月初開始轉左睇骨科，當然需要食藥消炎止痛，因為之前兩星期針灸師傅已經無做，公司又忙，所以隻手又痛腫過
再加冷凍隻手
雖然係冷凍，不過好舒服呢～
之後再用機按摩
姑娘幫我搽左啫喱
做左真係好好多，但始終要工作同做家務，所以如娘叫有時間自己用冰
所以係公司食完午餐就用毛巾包住冰舒服下隻手。。。最痛位置係大手指內向掌心條根，醫生話係ＬＯＣＫ住左
係屋企就睡前
期間因為醫生貓糧ＲＣ做特價，我去訂糧時同姑娘傾，原來上年佢隻手指又係咁，要經過半年多至好番，當日因為診所多人，所以我交代左要遲Ｄ至可以同亞金做針灸就想走，但姑娘叫我等一等。。。。。
佢攞左好多保護手套比我，佢話係自己係醫院免費攞，所以比我用，叫我要記住留意隻手要好好休息
如是者２星期做左４次物理治療，始終都係條根痛，大手指完全唔可以屈曲，醫生提意做手術
不過我真係好驚喎，我打針抽血都血管收縮晒，醫生話咁樣唯有要半身麻醉
其實同事同朋友都試過都話半年後慢慢好轉
所以我暫時唔想做手術，醫生話可以睇多２個月，但期間自己要多屈下隻手指，如果發現關節痛即係有問題，要盡快做手術，因為唔理會影響到以後都痛，就算做手術都無用。。。
貓兔媽好眼利, 見到我做針灸張相遠處有隻黑白貓, 在上文我都提過醫師要結業, 其實呢個醫師係鄰居介紹, 之前鄰居都問我會唔會要貓, 不過我知屋企一定反對......
去到針灸問醫師, 佢話隻貓已經有新主人, 所以唔需要擔心
隻貓真係又靚仔又乖, 5歲已絕育, 好親人添~
其實醫師好錫隻貓, 之前曾經搬舖都帶埋隻貓，但今次唔會再開新舖，無奈屋企有隻狗, 隻狗又寵壞左好霸道, 一定對隻貓有危險, 所以唯有搵新主人, 咁傾開醫師知我有養貓又識義工, 大家就邊針灸邊講貓經啦
如是者過左三星期多........
某日下午醫師打電話比我問有無人要貓, 原來新主人會將隻貓放係茶餐廳捉老鼠, 其實醫師間舖係樓上住宅, 隻貓係室內家貓, 所以怕舖頭環境難適應, 而且更怕食物各方面都差, 於是希望我問下義工
我即刻比相問義工同貓友, 朋友立即廣傳, 義工亦答應可以收貓暫托搵人領養
由於醫師未需要即時結業, 所以貓依然留係舖頭等人睇, 過左幾日義工已經約人去睇貓, 領養者自己有1隻貓, 睇貓過程十分順利, 貓表現好乖又親人, 睇貓成功被領養!!
唉 !~~!~~
過左幾日義工收到電話話隻貓好惡, 見到另1隻貓就發癲, 相信因為佢未同其他貓相處過, 所以決定退貓
義工接貓後我即刻去探佢
義工屋企有多隻貓暫托, 所以佢好驚!!
困籠第三日至肯食, 真可憐豬~
我地將佢改名為 " 大眼 "
再努力廣傳, 不過今次希望係只養1隻貓為首選
大眼真好彩, 過左一星期, 有人上義工屋企睇細貓, 見到有幾隻細貓好得意, 點知細貓對人又咬又fe, 反而見到大眼好靜, 望下佢即刻嗲叫, 於是領養者立即心軟, 領養者有養貓經驗, 暫時只想養1隻, 咁就十分之好....
而家大眼去左新家庭已經兩星期, 一切都適應中, 義工將新家庭地址比左我, 如果有時間可以去探貓
我覺得都係緣份，我又會隻手受傷所以去醫館至遇到大眼，佢需要新家庭時候，如果去茶餐廳我怕佢生活不好，所以我四處聯絡貓友，又好彩義工朋友幫助，老實講我自己一定唔敢答應醫師，因為屋企人極度反對暫托，但我心裡一想到大眼就不安，所以上個月因隻手同大眼都好煩～
希望大眼新生活開心, 以後幸福!!!
