忙＋忙

１月開始至農曆新年都係我工作最忙時候，工作時間忙之外，屋企一樣都忙，要準備過年，因為媽媽好重視，要清潔。。清潔。。。再清潔。。。
唉。。。所以人人喜歡過農曆新年，我就麻麻地，總係要將所有事堆埋一齊做，不過好彩有佢地

所有倦意都消除

昨日帶亞金去針灸驗血糖，4.5mmol/L總算安慰

農曆新年前可以安心唔再去見醫生

 時間總會過去，過左年初一就會輕鬆晒～～～　

保暖

上個月入冬已經為小朋友上淘寶睇貓窩.....
我完全唔識點淘, 好彩有同事幫忙, 雖然唔係集運, 直送到公司比較貴, 但相比係香港店舖買真係平好多

2個貓窩全部費用HK$209

呢個夠厚比瘦仔MICKEY

 呢個內裡夠闊比肥金

第一日即刻試試....

 見到貓地瞓入去真係開心~ 

特別MICKEY, 雖然唔係凍, 但新C坑都瞓左兩日,影比同事睇都話 " 有無咁凍? 會唔會熱左D?? " XDD

而肥金只係入左一次唔夠5分鐘就無再瞓過

=> => => => 兩日後再無貓瞓新窩

今個星期寒冷警告,但2個貓窩都空空如也, 無貓肯瞓

MICKEY中意上床瞓, 所以放厚窩係床, 但始終寧願捐被竇喎!

亞金瞓開藤籃, 點知放左個窩佢就去瞓左隔離貓傢俬

總之就貓有貓瞓, 窩有窩空心, 媽媽見亞金係窗邊, 怕佢凍腳仔會痛, 將D被仔比晒佢...

 總之就唔明點解總係抗拒瞓入去呢?? 浪費晒我心機!! ><"!