但不可再拖, 已經係兩年前照過, 所以上月中約好醫生
細細不停叫, 十分驚驚~ ~
從貓箱出O黎 都好難, 姑娘們又係好緊張 ..... 係 => 姑娘們, 因為有2女1男, 再加埋醫生, 家姐同我, 足足6個人圍住隻貓
最初還可以比醫生作初步檢查, 當要打麻醉針時, 有個姑娘想用布蓋住細細個頭 ..... 我家姐即刻阻止!!!!
之後大家你一言我一語, 我覺得好嘈, 心知不妙, 3位姑娘有2位要禁住細細, 另外男姑娘就不斷係細細面前叫佢, 以為咁可以引細細注意力...超級白痴!!!
最終細細咬我家姐隻手 => 走貓
另外一個姑娘準備戴手套, 叫我同家姐出房一陣, 話佢地會麻醉細細
我同家姐唯有出房, 因為已經做左一半, 希望真係可以照到細細心臟
過左幾分鐘, 醫生同1位姑娘見我同家姐, 話細細太緊張, 不適宜麻醉
吓 ~ !
我同家姐都無奈, 唯有話再約時間, 不過 .......
其實一背住醫生同姑娘, 我地都話唔好再照啦!!!
我叫家姐等接細細, 我行去隔離街診所, 想同梁醫生( 係勝利道我家6貓BB到現在一直睇開個女醫生) 講細細情況, 不過梁醫生當日放假, 我就同姑娘講詳情, 再叫梁醫生有時間打電話比我
家姐隻手比 細細咬到流血腫晒
不過我地最心痛係細細, 佢驚到返屋企又叫又厘, 因為之前一晚十點後要禁飲食準備麻醉, 但返到屋企比佢都唔敢食呀!
我都同家姐講, 算啦....唔係心漏症死, 係嚇死~
而家家姐都怕細細會有心理陰影, 會影響梁醫生幫佢打預防針, 因為細妹就係曾經比個替工醫生嚇親, 之後就唔再比醫生摸又咬人, 後來3年都打唔到預防針, 好彩梁醫生想到入洗衣袋咋~
細妹就係咁樣隔住個袋打針啦
陰公豬....貓貓驚起上來,真是神力無比,好難唔嚇親佢又捉住佢
回覆刪除噢,為麼不能蓋頭? 睇外國一些動物節目,話用布蓋頭,動物因看不見物,就會定下來...
用洗衣袋又係不錯的idea啊...
佢地唔得GA, 細妹就係咁發癲, 可能因為眼前黑晒, 又唔知我地會做咩, 所以即刻標走~
刪除明白,細妹真是好怕睇醫生喎...阿夢呢,在家裏見到陌生人就好惡(因為太驚...都唔知為咩 ; D),去到診所,就驚到唔敢郁,任由護士醫生抱啊攬啊...好定.....打針半分鐘搞定,可能佢未試過俾診所的人嚇親..
刪除真係陰公囉,所以我都好怕帶貓地去打針,嚇屎佢哋
回覆刪除佢地要望住我至得, 可能咁至有安全感, 而家年紀大成日出入診所, 如果唔係都可3年一次
刪除嗚~~~細細, 大家都想你好呀! 好快冇事了, 乖啊!
回覆刪除只希望細細病情唔好轉差已經好~
刪除陰公,嚇成咁...唉....貓真係好細胆架.....
回覆刪除不過其實家貓唔一定需要打預防針嘅....
咁重要唔要再照心藏呀....
係囉,每次因為貓貓有些病痛,去診所,就會被姑娘醫生話我點解沒有每年帶佢打預防針...我解釋左因為唔出街,家居乾淨,得一隻貓....咁又俾醫生話我risk 隻貓的life.....
刪除而家梁e生都話可以唔駛打, 不過因肥金有糖尿病同細細有心漏, 所以要去診所, 而診所多菌, 怕會有病菌帶返堅企, 所以6隻要打預防針
刪除細細暫時都唔照心臟, 真係想嚇c貓咩!!
原來貓都有心漏病架?駛唔駛長期食住藥架?
回覆刪除要笠住個洗衣袋打針,好搞笑,不過又戥細細慘,有呢個病,希望佢身體健康
如果心漏嚴重要長期食藥.....不過暫時唔理, 玩得食得就由佢, 唔再去照...
刪除又真係~如果佢太驚~真係冇病都變嚇病~
回覆刪除我都聽人講過笠洗衣袋~但隔住咪好難就到位囉?
醫生係搏頭位好快打一針, 係打預防針, 其他就檢查唔到, 無法啦, 鬼叫細妹會發癲!!
刪除都真係好難攪啊!
回覆刪除