保暖

上個月入冬已經為小朋友上淘寶睇貓窩.....
我完全唔識點淘, 好彩有同事幫忙, 雖然唔係集運, 直送到公司比較貴, 但相比係香港店舖買真係平好多

2個貓窩全部費用HK$209

呢個夠厚比瘦仔MICKEY

 呢個內裡夠闊比肥金

第一日即刻試試....

 見到貓地瞓入去真係開心~ 

特別MICKEY, 雖然唔係凍, 但新C坑都瞓左兩日,影比同事睇都話 " 有無咁凍? 會唔會熱左D?? " XDD

而肥金只係入左一次唔夠5分鐘就無再瞓過

=> => => => 兩日後再無貓瞓新窩

今個星期寒冷警告,但2個貓窩都空空如也, 無貓肯瞓

MICKEY中意上床瞓, 所以放厚窩係床, 但始終寧願捐被竇喎!

亞金瞓開藤籃, 點知放左個窩佢就去瞓左隔離貓傢俬

總之就貓有貓瞓, 窩有窩空心, 媽媽見亞金係窗邊, 怕佢凍腳仔會痛, 將D被仔比晒佢...

 總之就唔明點解總係抗拒瞓入去呢?? 浪費晒我心機!! ><"!

 

見闊肚窄

上星期因有COUPON去食自助餐4送1, 所以就約3隻腳去食, 可惜自己條腸又唔爭氣, 唯有要推遲幾日, 之後都要就番COUPON日子, 雖然仲有D唔舒服, 但真係好想同朋友吹水聚下, 所以我都要去...... SHANGRI-LA KOWLOON

睇下D食物先

 

仲有多種甜品

衰在自己個肚唔可以食得多

睇完一輪咁多款，自己食過大約3分1, 不過有我至中意HD綠茶雪糕, 一定要食

加多個紅嗓子雪皅更正

雖然今次食唔多, 但4個人開開心心邊食邊傾過一晚, 真係好!!!

睇大戲

朋友送我2張大戲飛, 知道係龍劍笙, 雖然自己從未現場睇過大戲, 但都要去見識下, 一於叫家姐陪我 .....

到文化中心見到有好多花 ~

好多熟識名人都有送花, 呢度只影左小小, 仲有好多花排晒隊, 但因太多人, 所以都係去定洗手間等入場

準備開鑼, 要將電話轉靜音, 唔可以影相 ..........

開始約8點鐘, 先做 " 牡丹亭驚夢 "


呢位女主角

 之後 " 紫釵記 " 由另一位任女主角

間場有四段時間休息, 至11:15散場

老實講今次令我對大戲有所改觀, 以為會悶, 原來唔會, 當中多位都做得十分鬼馬, 特別龍劍笙真係好能夠帶動全場氣氛, 而且有字幕又容易明白

謝幕可以任影相

家姐入場時買左本特刊 $20 

印刷都好精美, 裡面D相都好靚

家姐話龍劍笙已經有70歲喎~!!

 係真唔係呀?? 

仲有其他表演大佬倌

前日聽到加演5場, 希望中國粵劇可以一直承傳下去

饒宗頤文化館

一直係公司窗見到呢幾座藏於叢林中屋仔, 知道以前係麻瘋病院.....

近幾年已經改做文化館, 講左成年話去, 終於上星期決心去行下 => => =>

美孚地鐵站有出口寫明 "饒宗頤文化館", 之後向荔枝角方向行, 近山邊有高架行人天橋, 上天橋向荔枝角行到一半天橋位見到分义處一個小公園, 公園旁有紅綠燈過馬路, 過左馬路就係文化館, 其實位於荔枝角覊留所隔離, 相信由地鐵行去只需約10分鐘.....青山道800號

國學大師饒宗頤銅像位於第二層, 其實小屋依山而建, 所以要慢慢去探索

估唔到原來有好多座屋, 仲都幾清幽~

另外同朋友知道有餐廳, 而且係社企, 由長者任侍應, 所以特登訂位食午餐

銀杏館餐廳位於其中一座紅磚屋內, 有中式,西式同素食

今次同朋友食中菜

咕嚕肉因為全瘦比較硬, 但味道都幾好

呢個小炒王好好食, 裡面D蔬菜好新鮮

每款都配三色飯

另外仲有..........

免費任食沙律同湯, 雖然唔係好多種類, 但免費都好啦!

我飲左西湯  "紫薯蘿蔔冬瓜陳皮湯"

 

我見隔離枱D三文魚同燒雞好正, 下次要食西式, 不過如果大家想去食一定要先訂位, 因為都好多人食, 仲有下午茶時段, 晚餐至10點

食飽飽開始四周行, 當日有微微雨, 所以戶外唔係好多人

當然文化館一定有展覽場地, 我地睇左4個展館 => 
2個國晝書法, 1個香港百年相片展, 1個文化館歷史

其實係有電梯方面老人家, 電梯藏於紅磚內 ....好似煙通

依樓梯直上原來係酒店

分有琴, 棋, 書, 畫 4座房間

而每座大廳都有別出心裁擺設

 臨走時候我仲去親手做個印作紀念

原來係公司行去唔需10分鐘有咁好偷閒地方, 真係好舒服, 我已經約好另一班朋友會去食個午餐, 再慢慢行下~